BAE-niň Türkmenistandaky ilçisi Anwar Gargaş adyndaky Diplomatiýa akademiýasynda türkmen talyplary bilen duşuşdy
BAE bilen Türkmenistanyň arasyndaky medeni we bilim gatnaşyklaryny ösdürmegiň çäginde BAE-niň Türkmenistandaky ilçisi Ahmed Al Haý Al Hameli Abu-Dabidäki Anwar Gargaş adyndaky Diplomatiýa akademiýasyna baryp, şol ýerde Türkmenistandan gelen iki mugallym we 8 türkmen talyby bilen duşuşdy.
Duşuşyk BAE-niň Türkmenistandaky ilçihanasy tarapyndan guralan alyş-çalyş maksatnamasynyň çäklerinde geçirildi. Bu barada BAE-niň Türkmenistandaky ilçihanasynyň metbugat gullugy habar berdi.
Duşuşykda ilçi Al Hameli BAE bilen Türkmenistanyň arasynda medeni-ynsanperwer we ylym-bilim ulgamlaryndaky gatnaşyklary ösdürmegiň möhümdigine ünsi çekdi. Ilçi bu duşuşygyň iki ýurduň arasynda bilim ulgamyndaky hyzmatdaşlygy pugtalandyrmakda möhüm ädimdigini nygtady.
