Gurbannazar Ezizowyň doglan gününiň 85 ýyllygyna bagyşlanan dabaraly çäre geçirildi
Berkarar döwletiň täze eýýamynyň Galkynyşy döwründe “Halkara Parahatçylyk we ynanyşmak” ýylynyň her bir güni toý-baýramlara, taryhy senelere beslenýär. Türkmen Halkynyň Milli Lideri Türkmenistanyň Halk Maslahatynyň başlygy Gahryman Arkadagymyzyň başyny başlan Arkadagly Gahryman Serdarymyzyň ýolbaşçylygynda, türkmen medeniýetini, sungatyny, edebiýatyny beýik şahsyýetlerimiziň döredijiligini öwrenmäge biz ýaşlara giň mümkinçilikler döredilýär.
Bahar paslynyň ilkinji günlerinde Türkmenistanyň Oguz han adyndaky Inžener tehnologiýalar uniwersitetiniň Innowasiýalaryň ykdysadyýeti fakultetiniň Tehniki ugurlar boýunça daşary ýurt dilleri kafedrasynyň talyplarynyň taýýarlamagynda, türkmen edebiýatynyň görnükli şahyry, güýz paslynyň waspçysy Gurbannazar Ezizowyň doglan gününiň 85 ýyllygyna bagyşlanan ”Çeper sözüň güýji Gurbannazar Ezizow” atly dabaraly çäre geçirildi. Bu dabaraly çärede Gurbannazar Ezizowyň goşgy setirleri, eserleri, şahyryň ömri we döredijiligi talyp ýaşlar tarapyndan örän täsirli wasp edildi. “Türkmen sährasy”, ”Keýpine”, ”Älemgoşar” ýaly şahyryň goşgy setirlerine döredilen aýdymlar talyp ýaşlar tarapyndan aýdyldy we “Oguzlar döredijilik” toparynyň talyplarynyň taýynlamagy esasynda birnäçe tanslara tomaşa edildi. Güýz paslynyň waspçysy Gurbannazar Ezizowyň ömri we döredijiligine bagyşalanan sahna, oýunlaryna ”Serpaý” atly kinofilmden böleklere tomaşa edildi.
Biz talyp ýaşlaryň okamaga, öwrenmäge, ylym-bilim almaga türkmen medeniýetini, sungatyny, türkmen edebiýatynyň ýazyjy şahyrlarynyň döredijiligini öwrenmäge uly mümkinçilikler döredip berýän Türkmen halkynyň Milli Lideri Türkmenistanyň Halk Maslahatynyň başlygy Gahryman Arkadagymyza Hormatly Prezidentimiz Arkadagly Gahryman Serdarymyza köp sag bolsunlarymyzy aýdýarys. Gahryman Arkadagymyzyň Arkadagly Gahryman Serdarymyzyň janlary sag, başlary dik tutýan tutumly işleri elmydama rowaçlyklara beslensin.
